Усан махбод нь модон махбодыг үүсгэдэг.

Admin
2024-12-15 06:00

Усан махбод нь модон махбодыг үүсгэдэг. Модон махбод нь гал махбодыг үүсгэнэ. Тэгэхээр эд хөрөнгө бол бэлэн байж байдаг зүйл. Бэлэн гэдэг нь усан махбодоороо дангаараа оршиж байдаг. Уурхайгаас юм олборлохын тулд ухах хэрэгтэй. Харин хаана ухахаа эхлээд судлахын тулд ухаан эрдэм мэдлэг хэрэг болно. Тэгэхээр сурч боловсрох үед бидэнд модон махбод үүсэж байдаг. Юмыг судалж танихгүйгээр модон махбод хүнд үүсэх боломжгүй. Ингээд сэтгээд модон махбод нь үүсээд хүн сэтгээд мөнгө олоод ирэхээр урам зориг буюу гал махбод үүснэ. Өөртөө итгэх итгэл, урам зориг, урагшаа алхах тэмүүлэл гэх мэт олон зүйлд гал махбод үүсдэг. Тэгэхээр ингээд бодоод үзэхээр нэг махбодоос шалтгаалдаг биш олон махбддоос шалтгаалж бид эд хөрөнгөтэй болдог. Гэтэл манайхан интернэтээс ганц хоёр юм уншаад, ойр дотнын хэн нэгнээс янз бүрийн зүйл зүгээр л асууж лавлаж байгаад их мөнгөөр эсвэл зээл авч бизнес хийгээд, сэтгэл хөдлөлөөр хандаад, эсвэл хэн нэгэнд тэгчих байх гэж сэтгэлдээ найдаад бизнес хийгээд шатдаг. Сайн судалж ухаантай байна уу.

Баярлалаа.