Аз жаргалыг мэдрүүлдэг байх нь үргэлж том боломж, том хайр, том азыг танд дуудаж өгч байдаг.

Админ
2023-09-08 23:00

Сайхан залуу, сайхан бүсгүйг хараад инээмсэглэж байгаарай. Сайхан зүйл харж инээж өнгөрөх нь танд маш том баяр хөөрийг нэмэх болно. Өөртөө анхаарсан, биеэ гоё хөгжүүлсэн ухаалаг, амжилттай хүмүүсийг хараад үргэлж бахдаж, хайрлаж байгаарай. Хүн эвшээхэд өөдөөс харж буй хүн дагаад эвшээдэг. Энэ нь хамт байгаа хүнтэйгээ хүн үргэлж энерги солилцож байдгийн баталгаа.

Иймээс зөрөөд өнгөрсөн хүн, хамт байгаа хажууд байгаа хүмүүстээ баяр хөөр, аз жаргалыг мэдрүүлдэг байх нь үргэлж том боломж, том хайр, том азыг танд дуудаж өгч байдаг. Нэгэнт таарамж муутай, харилцаж чадахаа больсон, таныг дэмждэггүй хүнээс салах хэрэгтэй. Хүүхдүүдээ бодоод ч юм уу ямар нэгэн зүйлийг тэгчих байх гэж хэдэн жил тэвчиж явж байгаагаа сайтар бодоод үзээрэй. Ярилцаад, учирлаад, уйлаад гуйгаад байхад өөрчлөгдөж чадахгүй өөрийнхөөрөө зөрүүдлээд байвал хэн хэнийхээ амьдралыг үрэхгүйгээр хоёр тийшээ болсон нь хамаагүй дээр байдаг.

Олон айлд, олон хүмүүст зөвлөгөө өгөөд ярилцаад, харж байхад ихэнхдээ аз жаргал гэдэг зүйлийг мартчихсан, зөвхөн хамтран зээл төлөгч, хамтран амьдрагчаас харилцаа нь хэтрэхгүй болж хэн хэнийгээ тавьж явуулахгүй хамаг залуу нас, гоо үзэсгэлэн, хүсэл мөрөөдлийг нь унтраасаар байдаг. Хүн өдөр бүр дурлаж, өдөр бүр өөртөө таалагдсан зүйлийг хайрлах эрхтэй. Үүнийг сайн ойлгох хэрэгтэй. Гэр бүлтэйгээ сайхан ойлголцож уламжлалт сэтгэлгээнээс салж бүх зүйлийг аз жаргалтайгаар хамтдаа бүтээж хийх нь өөрөө мөнхийн аз жаргал баяр хөөрийг үйлдвэрлэгч болж чаддаг юм. Жаргалтай хатны хацар улаан гэдэг шиг догдол, хайрлах, халамжлуулах эрх хүн бүрд бий. Үргэлж хүмүүс уурлаж, төвөгшөөж, зөвхөн өөрийнхөөрөө өөртөө таалагддаг гэр бүлийг, харилцааг үүсгэх гэж зүдэрсээр байтал нэг мэдэхэд 5,10,20 жил өнгөрсөн байдаг. Иймээс сайн бодоорой, ухаалаг байгаарай.

Баярлалаа.