Салхин хонхны талаар

Админ
2022-09-12 06:58

Салхин хонх нь Фэнг Шүйн чухал хамгаалалтын зэмсгүүдийн нэг юм.

Айл гэр, албан газар, газар нутгийн 8 зүгт янз бүрийн одод оршдог. Энэ одод нь өвчин зовлон, аз жаргал, эрүүл энх байдал, алба ажил гээд их зүйлийг өөртөө агуулдаг. Буруу одыг засах хамгийн чухал зэмсэг нь салхин хонх юм.

Салхин хонх нь өөрийн хөндий гуурсаар муу энергийг оруулж эргүүлж цэвэрлэж гаргадаг чухал зэмсэг. Бүх салхин хонх сайн биш. Манайхан үйлчилгээний газартаа эсвэл гэртээ энд тэндээс салхин хонх худалдаж аваад сайн, муу юмыг оруулдаггүй, мөнгө дууддаг гээд өлгөдөг. Энэ нь маш буруу.

Буруу хонх өлгөх нь өвчин зовлон, гарз хохирлыг дуудаж болдог гэдгийг үргэлж санах хэрэгтэй. Тиймээс Фэнг Шүйн мэргэжлийн зөвлөгчөөр ажлын болон орон байрны зөвлөгөө авч байж энергижүүлсэн, тухайн объектод зориулж бэлтгэсэн хэдэн гуурстай, ямар өнгийн, шавар шаазан, төмөр, гуулин, зэс гээд ямар материалаар хийсэн хонх вэ? гэдгийг нь судлуулж байж заавал өлгөөрэй.

Хүссэн газраасаа авч өлгөж болдоггүй зэмсэг юм. Хөндий болон битүү гуурснаасаа хамаарч өөр өөр нөлөөлөл үзүүлдэг. Тийм болохоор хонхтой болгоомжтой харьцах хэрэгтэй.

Мөн хамгийн чухал анхаарах зүйл бол Фэнг Шүйн дэлгүүрээс авсан хонхон доороо унтах, суух, хоолны ширээ байж хэрхэвч болохгүй.

Хонхны доор заавал хөндий хоосон зай байлгаарай.

Жич: Ариун цэврийн өрөөнөөс бусад хонхыг зөвлөгчийн зөвлөгөөгүйгээр өлгөхийг хатуу хориглоно.

Баярлалаа.