Таны хөмсөг юу илэрхийлдэг вэ?

Админ
2022-08-30 08:58

Хөмсөгний шивээсний тухай:

Хөмсгийг хүний хувь заяаны зам гэж үздэг байна. Ерөнхийдөө хөмсгөндөө шивээс хийлгэнэ гэдэг нь хувь заяаныхаа замыг тодотгож байна гэсэн утгатай.

Хөмсгөө тодруулж, хэлбэрийг нь засаж, янз бүрийн хувьсан өөрчлөгдөж байгаа технологиор хөмсгөө шивүүлэх нь эмэгтэй хүний гоо сайхан, Фэнг Шүй талаасаа чухал ач холбогдолтой юм. Тиймээс болж өгвөл өөртөө зохисон хэлбэрээр хөмсгөө засуулж шивээс хийлгээрэй.

Хөмсөг нь өөрөө модон махбодтой учраас хөмсөгний шивээс нь тухайн хүний модон махбодыг нөхөж өгдөг байна. Модон махбодыг нөхсөнөөр буруу шийдвэр гаргах, туршлага дутах, хүмүүст санхүү эдийн засгаар хохирох эрсдэлээс хамгаалж өгдөг. Буруу тохиромжгүй хэлбэр нь эсрэгээрээ тухайн хүний хувь заяаг өөрчилж болдог. Тиймээс хүмүүсээс сайн асууж, таны нүүрний хэлбэрт тохирсон мөн туршлагатай салонд хийлгүүлээрэй.

Хөмсгөө шивүүлэхдээ дараах зүйлийг анхаараарай:

Та 16 нас хүрсэн байх шаардлагатай. Гоо сайханчид өсвөр насны охидын хөмсөг шивэхээс татгалздаг байна. Учир нь хөмсөгний шивээс нь гоо зүйн талаас нас ахих тусам илүү тохиромжтой гэж үздэг байна.
Сарын тэмдэг ирсэн үед эсвэл бүрэн дуусаагүй байхад шивдэггүй байна.
Жирэмсэн ээжүүдэд аюултай. Тонус өгч ураг зулбах магадлал өндөр байдаг тул жирэмсэн ээжүүдэд хөмсгөө шивүүлэх хориотой байдаг.
Согтууруулах ундаанаас татгалзаарай. Шивээс хийлгэхээс хоёр хоногийн өмнө согтууруулах төрлийн ундаа уухгүй байхыг зөвлөе.

Баярлалаа.