Гэр бүлийн хөгжлийг тодорхойлогч

Админ
2022-09-06 21:04

Фэнг Шүйд зурагтыг төмөр махбодтой гэдэг бол компьютер нь төмөр, мод гэсэн хоёр махбодтой.

Бид нар ажлаа хийх, захиа бичих, өдөр тутмын мэдээллээ авч, кино үзэх, тоглох гээд олон төрлөөр компьютерыг ашигладаг. Гол нь хөгждөг учраас модон махбодтой, харин харилцаа, чимээ, нөлөөлөл үзүүлдэг учраас төмөр махбодтой гэж үздэг.

Ерөнхийдөө гэрийн тавилга, хувь хүний хэрэглээний эд зүйлийг хоёр ангилдаг.

Энэ нь хөгждөг, хөгждөггүй гэж. Жишээ нь: Тогоо шанаганы материал солигддог ч гэсэн хөгжилгүй. Харин электрон чиптэй, сүлжээ хүлээн авагчтай л бол бүх зүйл хөгждөг болсон цаг. Хөргөгч хүртэл ухаалаг болсон.

Иймд компьютер бол хөгждөг төрөл буюу модон махбоддоо ордог юм. Иймд танай гэр бүлийн модон махбодыг тодорхойлж байдаг учраас үргэлж хамгийн хурдтай, хүчтэйг нь сонгож хэрэглэж байх нь хамгийн зөв.

Гацдаггүй, сайн чанарын компьютертой байх нь хөгжих, мөн зогсонги байдалд орсон зүйлс өөрчлөгдөх, илүү их ашиг орлого, амжилт бүтээл, илүү их мэдээлэл олон сайхан зүйлийг дуудаж өгдөг.

Гэр бүл нь хөгждөггүй, гайгүй байснаа сүүлийн үед бүр өвдөөд байх боллоо гэсэн айлд зөвлөгөө өгөх гээд очих үед дандаа үеэ өнгөрөөсөн, хурд хүч муутай суурин компьютер байдаг.

Тэдгээрийг нэгэнт хэрэглэхгүй, гацаад хэрэглээг нь хангаж чадахгүй байгаа бол гаргаж хаяарай, эсвэл хэрэгцээтэй болох газар нь худалдахыг зөвлөдөг.

Иймд шинэчлэлээс битгий хоцор, үргэлж ямар нэгэн зүйлийг сайжруулж байгаарай. Үр дүнд нь та болон таны гэр бүл өөрчлөгдөх болно.

Баярлалаа.