Бэлэг өгөхдөө анхаарах зүйл

Админ
2022-07-30 07:31

Бэлэг өгөхдөө дараах зөвлөгөөг анхаараарай:

Бэлэг дурсгал нь чин сэтгэлийнх байх. Ямар нэгэн ашиг сонирхол болон далд утга санаа агуулсан бэлэг эзэндээ тийм ч таатай үйл явдал авчирдаггүй.
Хэнд, ямар баярыг тохиолдуулан бэлэг авч өгч байгаагаа мэддэг байх хэрэгтэй.
Хамгийн чухал нь ямар бэлэг сонгох.
Бэлэгээ ил захидалтай хамт өгөөрэй.

Бэлэглэхэд тохиромжгүй зүйлс:

Эдгээрт цаг, зангиа, хутга, ямар нэгэн зэвсэг, өргөстэй цэцэг, хуучны эд хэрэглэл, үслэг эдлэл ордог байна.

Цаг нь тухайн хүнийхээ бизнес, амжилтыг нь зогсонги байдалд оруулдаг. Зайлшгүй өгөх хэрэг гарвал задгай мөнгө авч зарж буй байдлаар домнож болно.
Зангиа нь тухайн хүнд өс хонзонтой болон ямар нэгэн асуудалд оруулдаг. Бэлэглэх хэрэг гарвал заавал мөнгө авч домнодог.
Хутга болон зэвсэг нь муу зүйлсэд бэлтгэлгүй байгааг нь илэрхийлдэг. Өгөхөөсөө өмнө ирэн дээр нь сүү дусааж өгөөрэй.
Өргөстэй цэцэг нь өвчин эмгэг болон тухайн хүний амжилтад атаархаж буйг нь илэрхийлдэг.
Хосууд нэгэндээ хүзүүний зүүлт өгдөггүй. Учир нь удахгүй салахыг илэрхийлдэг.

БЭЛЭГНИЙ БООЛТНЫ ӨНГӨ МАШ ЧУХАЛ:

Улаан, улбар шар, ягаан өнгө нь - Хайр сэтгэл, энгийн харилцааг илэрхийлдэг.

Ногоон болон хүрэн өнгө нь- Эрдэм мэдлэг оюун ухаан.

Цэнхэр, хар, хөх өнгө нь - Санхүү эдийн засгийн хувьд дээшилж, дэвших гэсэн утгатай.

Цагаан, саарал, алтлаг, мөнгөлөг өнгө нь - Харилцаа болон бүх шатандаа амжилт гаргахыг илэрхийлнэ. Мөн цэвэр ариун байдал.

Элсэн шаргал, бор өнгө нь - Нийгэмд эзлэх байх суурь, карьер, албан тушаал ахих тухай илэрхийлдэг.

Баярлалаа.